திண்ணை.காம் ல் வெளியான எனது மூன்று கவிதைகள் வாசிக்க...
ஒரு விசாரிப்பு
--------------------
நீண்ட நாட்கள் கழித்து
நண்பனொருவன்
தொலைபேசினான்
எப்படி இருக்கிறாய்?
எப்படி போகிறது? கேட்டான்.
அப்படியேத்தான் இருக்கின்றேன்
அப்படியேத்தான் போகிறதென்றேன்
சுவாராசியமற்றவனாய்
துண்டித்தான் தொடர்பை
அப்படியே இருந்து
அப்படியே போவதிலென்ன
அப்படியொரு ஏமாற்றம்?
சரிபார்த்தல்
------------------
நீங்கள் டயல் செய்த
எண்ணை சரிபார்க்கவும்
என்று சொன்னதில் குழம்பி
மீண்டும் தொடர்பு கொண்டேன்
இந்த முறையும்
அதையே சொன்னாள்
நான் சரிபார்த்த
தகவலை எப்படி
புரியவைப்பது
இவளுக்கு?
பெருநகர கோடாங்கி
-----------------------
பெருநகரில் அபூர்வமாக
பார்த்த ஒரேயொரு
குடுகுடுப்பைக்காரனுக்கும்
கிராமத்துக்கோடாங்கிக்கும்
மாறியிருக்கவில்லை
எதுவும் பெரிதாக
கையேந்துவது உட்பட
ஒரு வித்தியாசமாய்
பெசண்ட் நகரின்
மின்சார சுடுகாட்டில்
இரவெல்லாம்
இருந்துவிட்டு வந்ததை
தவிர
muunaavathu kavithai enakku pitiththirukkirathu
ReplyDeleteமுதற்கவிதை இயல்பாகப் பேசுகிறது!!
ReplyDeleteமுகுந்த் நாகராஜனின்
http://veenaapponavan.blogspot.com/2009/05/blog-post.html
இக்கவிதை ஏற்படுத்திய யதார்த்தத்திற்கு பிறிதொருமுறை கூட்டிப் போகிறது உங்கள் வரிகள் :))
நன்றி கார்த்தி. முகுந்த் நாகராஜின் அந்த கவிதையை படித்து பார்த்தேன். அவரது எதார்த்த வரிகள் அருமை அருமை.
ReplyDeleteஒரே சிந்தனை இரண்டு பேருக்கு சில நேரங்களில் வந்து விடுவதை தவிர்க்க முடிந்ததில்லை. :(
மூன்றுமே பிடிச்சுருக்குங்க.
ReplyDelete//அப்படியே இருந்து
ReplyDeleteஅப்படியே போவதிலென்ன
அப்படியொரு ஏமாற்றம்?//
நல்லா கேட்டீங்க.
நன்றி ஞானசேகர்
ReplyDelete